పుట:శ్రీవేంకటాచలమాహాత్మ్యము (తఱిగొండ వేంకమాంబ).pdf/482

షష్ఠాశ్వాసము

475

తే.⁠

మించి సిరిమీద నిటు తప్పు లెంచ కిపుడు శాంతమును బొందు మీశుకాశ్రమతలంబు విడిచి వోవల దనుచు వివేకసరణి నన్నతోఁ గృష్ణుఁ డేకాంత మాడుచుండె.

⁠ 209

సీ.⁠

ఛాయాశుకుఁడు తనజనకుఁ డర్చించిన         రామకృష్ణుల రమారమణి నచట నర్చించుచుండఁగ నపుడు గన్యామాస         మందు బ్రహ్మోత్సవం బద్రియందు జరుపఁగా నట కేగి ఛాయాశుకుఁడు వీర         లక్ష్మి సేవకులైన లలితమతులు మొనసి తా నాకమాట యెనుబనిమందిని         హరియాజ్ఞఁ బడసి వాహకులఁ జేసి

⁠

తే.⁠

శుకపురము చేరి రామకృష్ణులను వీర లక్ష్మి నర్చించుచుండె నుల్లాస మెసఁగ నచట హరి నిల్పినటువంటి యజ్ఞసఖుని జేరి వైఖానసులపూజ సేయుదురని.

⁠ 210

వ.⁠

ఇవ్విధంబున దేవదర్శనుండు దేశలునకుఁ జెప్పెనని సూతుం జూచి శౌనకాదు లిట్లనిరి.

⁠ 211

సీ.⁠

ఓ సూత యాశ్రీనివాసుని శేషాద్రి         యం దెవ్వరెవరు ము న్నర్చనములు చేసి రాచందముల్ చెప్పఁగవలె నంచు         నాశౌనకాదు లి ట్లడుగునపుడు విని సూతుఁ డిట్లనె మునినాథులార మీ         రతిశయప్రశ్న న న్నడిగినారు

⁠