ఈ పుట అచ్చుదిద్దబడ్డది
36
శ్రీరమా పరిణయము
వకుళమాలిక పలుకులు
వకుళమాలిక హరి - వాంఛితం బెఱిఁగి
యకలంకముగఁ బల్కె - నబ్ది నీక్షించి:
'జలధి! నీ జహుజన్మ - సంస్కారమహిమ
వలన నియ్యాది దే -వత కూఁతురయ్యె,
వేదాంత వేద్యుఁడై, - విశ్వాత్ముఁడైన
ఆదిమహావిష్ణు - వల్లుఁడై వెలసెఁ;
గావున నీ భాగ్య - గౌరవమహిమ 680
భావింపఁ దరమె యా - బ్రహ్మకునైన?
నెమ్మది, నటుగాన - నీవు నీ సుతను
సమ్మతి సుంచుమీ! - స్వామి చెంగటను,
అలర మీ కన్న నే - నధికంబుగాను
కలుముల చెలి నిందు - గారవించెదను;
హరికటాక్షము గల్గి - నపుడు మీ సుతకు
గురుసౌఖ్యములకుఁ ద-క్కువ లేదు గనుక,
సంతోషమున రమా - సతిని మా స్వామి
చెంతనే నిల్పుఁడీ! - చింత యేమిటికి?
అనఘ! యీ స్వామి చి - త్తానుగుణ్యముగ 690
మనకు వర్తించుట - మర్యాద' యనిన,
సాగరుఁ డా మాట - సమ్మతించుకొని
వేగ భార్యలకు న - వ్విధము బోధించి,
