22
శ కు న శా స్త్ర ము
తా. ఓ నరసింహస్వామి! బుధవారమున మిగిలిన 40 గడియలును
రాహువు వాయువ్యదిశయం దుండును. గురువారమునాఁడు 60 గడి
యలును, శుక్రవారమునాఁడు 20 గడియలు మొత్తము 80 గడియలు
రాహువు ఉత్తరదిశయందుండును.
క. అల భార్గవువారంబున
నలుబది స్థిరవారమందు § నట ముప్పదియున్
గలసిన డెబ్బది గడియలు
చెలువుగ నీశాన్యమందు § శిఖినరసింహా 66
తా. నరసింహస్వామీ! శుక్రవారములో మిగత 40 గడియలు
శనివారమునాఁడు 30 గడియలు మొత్తము 70 గడియలు రాహువు
ఈశాన్యదిశయం దుండును.
క. శనివారము ముప్పదియును
ఘనరాహువు తూర్పునుండి § కడువడి జనియ
య్య నలునిపై , నిలువక
దక్షణమున దగుఁ దొంటిపగిది § శిఖినరసింహా,67
తా. ఓ నరసింహస్వామి! శనివారమున మిగత 30 గడియలు
రాహువు తూర్పు దిశనుండును. తరువాత వెంటనే ఆగ్నేయ దిశకు
బోయి అచట నిలువక వెంటనే దక్షిణమునకు పోవును (అట్లే క్రమ
ముగా తిరుగుచుండును).
క. ఇన గురు దినముల మఱితూ
ర్పునదక్షిణమున కవీందు § లోలి, పడమరన్ ,
[1] విను కుజు నుత్తమున్ గది
సిన బుధశనులందు రాహు § శిఖినరసింహా,68
- ↑ గణభంగము