మల్కిభరామ[1] భూమండలేశ్వరునిఁ జెం
డాడవె యవనకోలాహలాంక
మునుపుగా ముస్తఫా[2]ఖానుఁ బోఁ దోలవె[3]
దండితో దానచింతామణీశ
ధాటిచేఁ జిట్టేలకోట మట్టించవె
యెలమితో మన్నెభద్రేభమూర్తి
ధరయెల్ల నెఱుఁగంగ దస్తురఖానునిఁ
జెండవె గండరగండబిరుద
పశుగణంబులఁ గొల్లపట్టించవే శౌర్య
వైఖరి గాయగోవాళబిరుద
ముగురురాజులు మెచ్చ మగటిమిఁ జూపవె
గడిదుర్గమునఁ బరాక్రమమృగేంద్ర
నీప్రతాపంబు మహిని వర్ణింప వశమె
సర్వబిరుదుల కొమరవేశ్యాభుజంగ
భళిర! వెలుగోటితిమ్మభూపతికుమార
మతిఫణీశ కుమారతిమ్మక్షితీశ.