ఈ పుట అచ్చుదిద్దబడ్డది
చి. శృం. రేకు: 02-4 హిజ్జిజీ సం: 10-9
పల్లవి:
నీ వేమి సేతువు నానేరమోయమ్మా
చేవ నీయిచ్చ రాజ్యము సేయవోయమ్మా
చ. 1:
వలపించి రమణుఁని వాకిలి వెళ్లనీవు
కలికిచేఁతలనె కదవమ్మా
చలమున నావిభుని జంకించి నాఁడు నాఁడె
నెలవై నే నింతేసి నేరనైతినమ్మా
చ. 2:
నయమున నాపతిని నాయింటికిరాకుండా
బయకారించితివిగా పదవమ్మా
పయిపడి యతనిచే బాసలెల్లఁ జేయించుక
జయముతోడుత నుండఁజాలనై తినమ్మా
చ. 3:
నటలకు నామగని జంటవాయక న న్నిట్టె
అటమటించితివిగా అవునమ్మా
నటనతో శ్రీవెంకటనాథుడు మ నిద్దరిని
యిటులనె సరిగా నేలెనోయమ్మా
