ఈ పుట అచ్చుదిద్దబడ్డది
రేకు: 0211-1 ఆహిరి సంపుటం: 08-061
పల్లవి:
ఏఁటి బుద్దులు చెప్పేరే యింకా నాకు
మాఁటలాడుటగాక మచ్చుచల్లేదా
చ. 1:
పతిఁబాసిన నేరమి పైకొని నాకుండఁగాను
అతనినెంతేసి మాఁటలాడుమనేరే
మతిలోని నామంకే మళ్ళవేకొని కొంత
వెతదీర్చుకొంటగాక వేగిరించేదా
చ. 2:
పంతమాడిన గర్వపుబలిమి నాకుండఁగాను
రంతుల నాతనినెట్టు రవ్వసేతునే
వంత నా వల్ల వచ్చిన వగపల్లాఁబెడఁబాయ
చింతదీర్చుకొంట గాక సిగ్గువడేదా
చ. 3:
కాఁగిటఁ గూడినయట్టి ఘనత నాకుండఁగాను
ఆఁగుచు నాతనినెట్టు అలయింతునే
తోఁగిన చెమటలాడ తోడనే శ్రీవేంకటేశు
రేఁగి నవ్వించుటగాక రిచ్చవడేదా
