ఈ పుట అచ్చుదిద్దబడ్డది
రేకు: 0207-1 సామంతం సంపుటం: 08-037
పల్లవి:
పొద్దువోనివాఁడవై పూఁచి మమ్ముఁ జెనకేవు
సుద్దులు చెప్పినవారు సూడిచ్చేరా
చ. 1:
ఆడినమాటకుత్తరమాపె నీకీవలెఁ గాక
వాడికచెలుల మెల్లా వాదించేమా
జాడగాదు మాతోనేల సరసాలాడేవు
వీడేలందుకొన్నవారు వియ్యమందేరా
చ. 2:
చేసినచేఁతకుఁజేఁత చెలి నిన్నుఁ జేసుఁగాక
యీసుదీర్చేచెలులము యియ్యకొనేమా
సేసలువెట్టితినంటా చెరగులేల పట్టేవు
కైసేసిన పేరఁటాండ్లు కాలుదొక్కేరా
చ. 3:
కొంకక నీరతులకు గురి నీదేవులే కాక
వంకలొత్తే చెలులము వావి చెప్పేమా
కంకిగా శ్రీవేంకటేశ కాంత దానే వచ్చి కూడె
లంకెల చుట్టాలము మేలములాడేమా