ఈ పుట అచ్చుదిద్దబడ్డది
రేకు: 0207-2 ముఖారి సంపుటం: 08-038
పల్లవి:
తెలిసితిమిన్నాళ్ళకు దేవరగుట్టు
వెలుపల లోపల వెలసితివింతటా
చ. 1:
కాయము వొక్కతెమీఁద కనుచూపొక్క తెపై
ఆయనాయనెంత నీకు ఆసోదము
యేయెడఁ జూచిన నీవు యిరుమొనసూదివై
చాయలకు నాలుగుహస్తములు ధరించితి
చ. 2:
వుండేది వొక్కతెయింట పండేది వొక్కతెవద్ద
రండును నడుపేవు నీ రాజమున
పండును గాయయునైన బలుపుల్లదొరవై
యెండ నీడ కన్నులను యెలయించేవిపుడు
చ. 3:
వురమున మహలక్ష్మీ వుర్విని వీపున మోవి
సిరుల మించేవు నేఁడు శ్రీవేంకటేశ
తొరలించి వలపుగుదులు గుచ్చినవాఁడవై
పరమున నిహమునఁ బాయవు నీవిపుడు
