ఈ పుట అచ్చుదిద్దబడ్డది
రేకు: 0207-3 భైరవి సంపుటం: 08-039
పల్లవి:
నీకునీకే యేలికవు నేనంటినా
కాకరివిద్యలఁ బొంది కరఁగేవుగాక
చ. 1:
తీయని నామోవిమీఁద తేనెల తీపులేకాక
వోయయ్య ఆమాటలలో వొగరున్నదా
నీయంతనీవు సేసేటి నెరసులచేఁతలలో
పాయక వెంగేలుంద భ్రమసేవుగాక
చ. 2:
కన్నుల నాచూపులలో కమ్మిన తేటలేకాక
యెన్నటికెన్నటి సుద్ది యెఱ్ఱనున్నవా
నిన్న మొన్న నించుకొన్న నీమేనిరేకలు చూచి
పన్ని వొక్కటొక్కటే భావించేవుగాక
చ. 3:
నెట్టన నాచేఁతలలో నిండు సరసమేకాక
గట్టివజ్రపుగోళ్ళ ఘాతలున్నవా
యిట్టె శ్రీవేంకటేశ యెనసితివిటునన్ను
గుట్టున నవియూనిదీ గూడించేవుగాక
