ఈ పుట అచ్చుదిద్దబడ్డది
రేకు: 0206-6 పాడి సంపుటం: 08-036
పల్లవి:
నేనేమీననఁ జుమ్మీ నెలఁతలాల
తానకమై సిగ్గువడి తాఁదానే
చ. 1:
అప్పుడు వచ్చేనని యానలు వెట్టినవాఁడు
తప్పని బొంకనివాఁడు తాఁదానే
ముప్పిరి నేనింతలోనే మోముచూచి నవ్వితేను
దప్పిదేర సిగ్గువడీ తాఁదానే
చ. 2:
వుక్కు మీరి విరహాన వుడికించినట్టివాఁడు
తక్కికరుణించేవాఁడు తాఁదానే
ముక్కుమీఁద వేలిడుక మోనమున నేనుండితే
దక్కి సిగ్గుల మునిఁగీ తాఁదానే
చ. 3:
అగపడి రాజసాననట్టె విఱ్ఱవీఁగేవాఁడు
తగిలి కూడినవాఁడు తాఁదానే
జిగిమించి రతులలో శ్రీవేంకటేశ్వరుఁడు
దగదొట్టి సిగ్గువడీ తాఁదానే