ఈ పుట అచ్చుదిద్దబడ్డది
రేకు: 0250-5 ముఖారి సంపుటం: 08-299
పల్లవి:
ఏఁటికి బాఁతిపడేవు యేల మమ్ముఁ జెనకేవు
కాటుకవన్నెచూపులు కలవి మాజూబులు
చ. 1:
కన్నులె గొప్పలుగాని కడుఁ గొంచపు మొకము
యెన్నఁగ మాచక్కఁదన మేమున్నది
వున్నతాలె కుచములు వొంటినడుము సన్నము
యెన్ని చూడఁబోతేను యిదివో మాసొబగు
చ. 2:
బారెఁడె కురులుగాని చేరఁడేసి పాదాలు
యీరీతిదె మాగుట్టు యేమున్నది
నోరు మాణిక్యాలగని నొక్కితేఁ దేనెపెదవి
పేరుకొనఁబోతేను పెలుచు మాగుణము
చ. 3:
చేతులె మెత్తనగాని చిమ్ము గోళ్ళు కఠినాలు
యేతులు నెమ్మెలు మాయందేమున్నది
ఘాతల శ్రీవెంకటేశ కలసితి విటునన్ను
నీతి విచారించుకొంటే నిండెను నీమన్ననే
