ఈ పుట అచ్చుదిద్దబడ్డది
రేకు: 0250-6 దేశా(సా)క్షి సంపుటం: 08-300
పల్లవి:
ఇంతి నీసొమ్ముగాదా యెరవున్నదా
వింతవారివలె నేము వెంగె మాడేమా
చ. 1:
జగడాలన్నియుఁ దేరె సతి నీతోసంతమాయ
మగుడి మగుడి నీతో మాటలింకానా
తగవరి వవుదువు తప్పులు నీయందు లేవు
మొగము చూచి చూచి మొక్కు లింకానా
చ. 2:
పనులెల్లాఁ జక్కనాయ పదివేలువచ్చె నేఁడు
చెనకి చెనకి నీతో చేఁత లింకానా
వెనకటి వెంతలేవు వేడుకకాఁడవు నీవు
కొనచూపులనుఁ జూచి కొసరు లింకానా
చ. 3:
కోరికలు గొనసాగె కూటములు మీకు నబ్బె
సారె సారెఁ గొరేటి చల మింకానా
యీరీతి శ్రీ వెంకటేశ యిచ్చకుఁడ వన్నిటాను
చేరి నీవు నవ్వఁగాను సిగ్గు లింకానా