ఈ పుట అచ్చుదిద్దబడ్డది
రేకు: 0243-3 సామంతం సంపుటం: 08-255
పల్లవి:
రాఁగదె పాయము రచ్చలఁ బెట్టక
కాఁగక మీఁగడ గట్టి నటవే
చ. 1:
వలచిన రమణికి వడిఁ బతితోడుత
యెలమిని పంతము లేమిటికే
కలయికలకె మరి కాచుకుండఁగా
చెలరేఁగీ యతని చిత్తముగాకా
చ. 2:
వొగ్గి ననుపుతో నుండిన కాంతకు
యెగ్గులు దప్పులు నేమిటికే
సిగ్గుతొఁ బ్రియము చెప్పఁగఁ జెప్పఁగ
నిగ్గునఁ దా మన్నించీగాకా
చ. 3:
కదిసెను శ్రీవెంకటపతితో నీకు
యెదురు మాటలిఁక నేమిటికే
పదరక వురమున బలుసుకుండఁగా
ముదములు పైపై ముంచీఁగాకా