ఈ పుట అచ్చుదిద్దబడ్డది
రేకు: 0242-3 ఆహిరి సంపుటం: 08-249
పల్లవి:
విచ్చి చెప్పె నిదె నీకు వివరముగా నేఁడు
నెచ్చెలి నిన్నిటికిని నేనేగురి సుమ్మీ
చ. 1:
అంగవించి నీతో మాటలాడక యిట్టెవున్నది
అంగన చిత్తము దెలియఁగఁ గలవా
యెంగిలిమోవితోడ నేమిమాటలాడినాను
పంగించె యెంతైనా నంటుపాయదంటాఁ జుమ్మీ
చ. 2:
తరుణి యెదుటనె తలవంచుక వున్నది
వెరవున నీపెను నవ్వించఁ గలవా
సరసము లాడితేను జంగిలి కడుపులోనఁ
దొరలితేనది గడుదోసమనీ సుమ్మీ
చ. 3:
కామిని శ్రీవెంకటేశ కాఁగిటఁ గలసె నేఁడు
చేముంచి ఆకారణము చెప్పఁగలవా
వాములై యెవ్వతెకైనా వయసు మీఁదువోతేను
దీమసాన నిన్నే నిందింతురంటాఁ జుమ్మీ