ఈ పుట అచ్చుదిద్దబడ్డది
రేకు: 0239-6 నాదరామక్రియ సంపుటం: 08-234
పల్లవి:
నిచ్చలు సేవలుసేసి నేనే వేసరితి
అచ్చలానఁ దనకంటే అలసితిని
చ. 1:
కన్నుల కాఁకలుదీర కప్పురము చరమవే
యెన్నిక నెవ్వతెకో యెదురుచూచె
సన్నలుచేసిన చేయి సకియరో పిసుకవే
పన్ని సారె వంచి వంచి బడలినాఁడు
చ. 2:
పెదవికిఁ బదనురాఁ బిలిచి పన్నీరీవే
కదిసి యెవ్వతెకో కతలు చెప్పె
పొదిగినమేనఁ దట్టుపునుఁగయినాఁ బూయవే
మదనగరిడి సదమదమైనాఁడు
చ. 3:
వురముమీఁదికి నిట్టె వుపచారాలు సేయవే
మొరసి చన్ను మోపు మోఁచినాఁడు
యిరవై శ్రీవెంకటేశుఁ డెననె నాకాఁగిట
మరిగించి నన్నిట్లా మన్నించినాఁడు