ఈ పుట అచ్చుదిద్దబడ్డది
రేకు: 0239-5 రామక్రియ సంపుటం: 08-233
పల్లవి:
చలము రేఁగేదెల్లా సవతుల కింతేకాక
నెలకొనె నాతఁడితే నెరవేరెనే
చ. 1:
ఘాతల నందరితోడ కడు నవ్వులు నవ్వేవు
చేతికి లోనాయఁ బతి చెల్లులేవే
పోతరించి యప్పటి నిప్పుడు మారుమలసేవు
నీతితో నాతఁడుమేలు నీకె మేలే
చ. 2:
చెనకుచుఁ బగటుతో చెలరేఁగి వుందానవు
అనువాయ నీ బొగట (డ?) లౌలేవే
కనుసన్నఁ జెలులతో కమ్మర మాటాడేవు
చనవు నీకాతఁడిచ్చె జయము చేకొంటివే
చ. 3:
తావున నాకును మంచితనములు నెరుపేవు
శ్రీ వెంకటేశుఁడే బుద్దిచెప్పిలేవే
వేవేలకు రాజసాన విఱ్ఱవీఁగే వన్నిటాను
కైవసమాయ నాతఁడె ఘనురాలవౌదువే