ఈ పుట అచ్చుదిద్దబడ్డది
రేకు: 0240-1 దేశా(సా)క్షి సంపుటం: 08-235
పల్లవి:
కానీవయ్య దానికేమి కర్తవు నీవు
తానకమైతిమి యింకా దండనుండేమయ్యా
చ. 1:
చతురుఁడ వన్నిటాను సముకాన నున్నదాన
రతికిఁ బిలువవంటా రవ్వసేసేనా
గతి నీమో మాకు మరి కాఁతాళించి సేసేదేమి
తతివచ్చినందాఁక దండనుండేమయ్యా
చ. 2:
నేరుపరి వన్నిటాను నీకుఁ గట్టితి నేఁ దాళి
చేర మాటాడకున్నాఁ జెచ్చెరఁ దిట్టేనా
కోరినకోరిక నీవు గుంపించి సేసేదేమి
తారుకాణైనదాఁకా నీదండనుండేమయ్యా
చ. 3:
బలువుఁడ వన్నిటాను పట్టితి వ్రతము నీకు
అలయఁ గూడితి విఁక నౌఁగాదనేనా
యిల శ్రీ వెంకటేశుఁడ మెప్పుడూఁ జేసేదేమి
తలఁపు నిలుపు దాఁకా దండనుండేమయ్యా
