ఈ పుట అచ్చుదిద్దబడ్డది
రేకు: 0204-4 మంగళకౌశిక సంపుటం: 08-022
పల్లవి:
ఎరఁగరటే ఆతనినెందాఁకనే
తరితీపు సేసేటి మీతగవెందాఁకనే
చ. 1:
ఇక్కడనుండే విభుఁడు యెదురుచూచును నాకు
యిక్కడనే శింగారించే రెందాఁకనే
వెక్కసమై నామాటకు వీనులాలకించునట్టే
చుక్కబొట్టే పెట్టఁబట్టె సూటియెందాఁకనే
చ. 2:
సొరిదినింతక (కు?) నా సుద్దులే యడుగుచుండు
యిరవుగఁ గొప్పువెట్టేరెందాఁకనే
మరపి యాతఁడు నన్ను మనసులోఁ దలపోయి
తిరముగ పల్లకి దెచ్చుటెందాఁకనే
చ. 3:
మలసి నాకుఁగా లోన మంతనమాడుతానుండు
యెలమిఁదోడుక వచ్చేరెందాఁకనే
కలసితినిట్టె వచ్చి ఘను శ్రీవేంకటేశ్వరుఁ
గొలిచి యిట్టేవుండే గుట్లెందాఁకనే