ఈ పుట అచ్చుదిద్దబడ్డది
రేకు: 0238-3 కన్నడగౌళ సంపుటం: 08-225
పల్లవి:
మంచివాఁడె నావిభుఁడు మగువలాల
వంచుకోవలసి తానె వలపంచెఁగాకా
చ. 1:
మొగముచూచినవాఁడు మొదలఁ దానె కదవె
నగవురాఁగా వెనక నవ్వితిఁగాని
యెగసక్యపుదానవా యిందరు నెరఁగకుండ
అగడు సేయవలసి అనీనింతెకాకా
చ. 2:
కాఁగిలించుకొన్నవాఁడు గట్టిగఁ దానె కదవె
పాఁగిన మచ్చాలు మరి పట్టితిఁగాని
రాఁగతనముదాననా రాసికెక్కిన్నాళ్లాయ
వేఁగుసేసి మోచిదించ వింతసేసీఁగాకా
చ. 3:
చేరి కూడినట్టివాఁడు శ్రీవెంకటేశుఁడె కదె
ఆరయ నేనిపుడు నంటితిఁగాని
బీరములదాననా పెడ్లి నేఁడెఆయ
సారెసారెవేఁడుకొంటా చనవిచ్చీఁగాక
