ఈ పుట అచ్చుదిద్దబడ్డది
రేకు: 0238-2 పాడి సంపుటం: 08-224
పల్లవి:
వట్టి వలపులుచల్లి వనితలఁ గొసరేవు
పట్టకు నీవంతేసి బలిమేల వొట్టేవు
చ. 1:
చిక్కని తేనెలవంటి చెలియమాటలె నీకు
చెక్కుచేతి చింతలకు జిగురైయంటె
యెక్కడ నెవ్వతెయైనా నేల నీమనసు వచ్చీ
చక్క నూరకుండవయ్య సటలేల సేసేవు
చ. 2:
పల్లెతాడువంటి వనితచూపులు నీకు
వుల్లముకోరికలకు నురులైనిల్చె
యెల్లకాంతలుండినాను యేల నీవు మెచ్చేవు
బెల్లించకువయ్య లేనిప్రియాలేల చెప్పేవు
చ. 3:
కందువ చక్కెరవంటి కాంతకెమ్మోవి నీకు
మందులై నీకాఁగిటికి మరులుగొల్పె
యిందరి శ్రీవెంకటేశ యిటు నన్నూఁగూడితివి
చందాలు సేయకువయ్య చవులేల చూపేవు