ఈ పుట అచ్చుదిద్దబడ్డది
రేకు: 0236-5 ఆహిరి సంపుటం: 08-215
పల్లవి:
ఏమిసేసినాఁ జేయనీ యియ్యకొనవే
వేమరు నింతగలదా విభునితోను
చ. 1:
వచ్చినట్టె వచ్చితేను వలుపేపో సుఖము
హెచ్చి మాటలాడితే నెరఁగఁగాని
కుచ్చిపట్టి నాయకుఁడు కొంగువట్టి తియ్యఁగాను
పచ్చిగానుఁ బెనఁగేవు పాసివుండఁ గలవా
చ. 2:
చెప్పినట్టు సేసితేను చిత్తమేపో చుట్టము
యెప్పుడూ నొడ్డారమైతే నెరఁగఁగాని
వొప్పుగా నాయకుఁడు వొడఁబరచఁగా నీవు
తప్పులెంచే వప్పుటిని తాలిమికిఁ గలవా
చ. 3:
మెట్టినట్టె మెట్టితేను మీకు మీకేపెండ్లి
యిట్టె సిగ్గులు వడితే నెరఁగఁగాని
వొట్టుక శ్రీవెంకటేశుఁ డొనగూడె నిన్నును
గుట్టుతోడ నవ్వేవు గురిసేయఁ గలవా