ఈ పుట అచ్చుదిద్దబడ్డది
రేకు: 0236-2 శ్రీరాగం సంపుటం: 08-212
పల్లవి:
మిక్కుటపు సరసాలు మించి మొగచాటయ్యా
దక్కినట్టి కాఁపురానఁ దనిసివున్నారము
చ. 1:
కొలువుపతిమెలెల్లా గోడచేరువులెకాక
కలయిక రతులకుఁ గారణమేమి
వల దేల గొంగువట్టీ వద్దనరే రమణుని
తలఁగక కన్నులనే తనిసివున్నారము
చ. 2:
తోడునీడ సతులెల్లా తోలుబొమ్మలెకాక
వేడుక కూటములకు వెలవెట్టేరా
చూడకు మనరె వొత్తి సొలపులనాయకుని
తాడుపడ్డ ఆసలనే తనిసివున్నారాము
చ. 3:
సిగ్గుపడ్డ కాంతలెల్లా చిత్తరురూపులెకాక
దగ్గరి చేతఁలు సేయ దమయాటలా
అగ్గమై శ్రీ వెంకటేశు నన్నిటా మీరుమెచ్చరే
తగ్గక నేఁడిట్టెకూడె తనిసివున్నారము
