ఈ పుట అచ్చుదిద్దబడ్డది
రేకు: 0236-1 పాడి సంపుటం: 08-211
పల్లవి:
ఇందుకుఁగా నెవ్వర మరేమిసేసేరు
మందెమేళమోపకున్న మరియూ మొక్కేను
చ. 1:
చనవు గలుగఁగానె చవిగాక వలపులు
మనసు లెరవులైతే మరిచప్పనే
యెనసితివంటా నిన్ను నిట్టె తిట్టితిఁగాక
పెనచి యెగ్గుపట్టితే బెరసి మొక్కేను
చ. 2:
నగఁగానె సరసాన నయమెక్కుఁ దీపులు
సొగయకుండితేఁ దమచూపులేవెట్ట
తగిలితివంటా నీముందల నేముట్టితిఁగాక
బిగువంతగలిగితే పిలిచి మొక్కేను
చ. 3:
మెఱసి కూచుండగానె మేకొను కూటములు
గుఱుతులు సోఁకకున్న కూడదువాని
నెఱి శ్రీవెంకటేశ మన్నించఁగా గూడితిఁగాక
తఱి నలసితినంటే దగ్గరి మొక్కేను