ఈ పుట అచ్చుదిద్దబడ్డది
రేకు: 0235-1 బౌళిరామక్రియ సంపుటం: 08-205
పల్లవి:
కూరిమి సిగ్గులు తెగీ కొంకనేఁటికి
యేరీతికైనా నీవు యియ్యకొనవయ్యా
చ. 1:
పట్టినదే వ్రతము పడఁతులకుఁ జలము
అట్టె పతులకుఁ జేయకపోరాదు
ఱట్టడి యాపె మోవిచూఱలకు నాసపడేవు
యెట్లైనఁ జేయనీ నీవియ్యకొనవయ్యా
చ. 2:
ఆడినదేమాటా అంగనలు పంతమున
నాడోడికయినా వినకపోరాదు
తోడనే మేలుది యాపె తొలఁగలేవు నీవు
యేడసుద్దికైనా నీవియ్యకొనవయ్యా
చ. 3:
తలఁచినదె పొద్దు తరుణుల కాఁగిటికి
వలపులు ముదిరెను వద్దనరాదు
బలువాపెది శ్రీ వెంకటపతివి నిన్నుఁ గూడె
యెలమి నన్నిటికి నీవియ్యకొనవయ్యా
