ఈ పుట అచ్చుదిద్దబడ్డది
రేకు: 0235-2 పాడి సంపుటం: 08-206
పల్లవి:
ఒట్టువెట్టుకొంటే నేమి వొద్దు దోసములేదనె
వట్టిచింతఁ బొరలక వద్దికి రారాదా
చ. 1:
మలసేయప్పటివేళ మాటమాటజగడాల
అలిగి లేచిపోయితే నందుకేమి
వెలినుండి నీవేల విరహనఁ బొరలేవు
చలమొద్దు నావద్దికి సరుగ రారాదా
చ. 2:
నినుఁ జూచి నవ్వితేను నిజము నెరపెనంటా
గునిసి యల్లంతనే కూచుంటివి
మనసు పట్టగలేక మరియేల పొరలేవు
చనవుసేక నామంచానకు రారాదా
చ. 3:
వేడుక యీరతి నీవె వేళమె ముందుగరఁగి
తోడనె సిగ్గులఁబొంది దూరుకొనేవు
యీడకేతెంచి శ్రీవెంకటేశ నన్నుఁ గూడితివి
మాడమాడ పంతములా మరియు రారాదా
