ఈ పుట అచ్చుదిద్దబడ్డది
రేకు: 0234-3 సామంతం సంపుటం: 08-201
పల్లవి:
వలెగా యివిగొన్ని వట్టివేసాలు
అలసితివన్నిటాను ఆయనాయలేవే
చ. 1:
చిక్కని చెమటలకే సిగ్గులు వడేవు నీవు
యెక్కువనిట్టూర్పులకు నేమి సేసేవే
నెక్కొన్న రతిచిన్నలు నీతలనే వేగెనటే
ముక్కునబంటి భోగించే ముగుదువా నీవు
చ. 2:
అలకల చెదరకు నట్టే సిరసు వంచేవు
యెలమిఁ గన్నులతేట లెందుఁబెట్టేవే
నెలకొన్న యీవన్నెలు నీవల్లనే వచ్చెనటే
కలగంపగాఁ గలసే కన్నెవానీవు
చ. 3:
బొట్టు చెదరినందుకు పొంచి తెరలు వేసేవు
యిట్టె నీమోము కళలెట్టు దాఁచేవే
నెట్టన శ్రీవెంకటేశు నీవేకూడితివటే
పటము గట్టక పొందే చాలవా నీవు