ఈ పుట అచ్చుదిద్దబడ్డది
రేకు: 0234-2 సాళంగం సంపుటం: 08-200
పల్లవి:
నీయితవు దెలియక నే వేగిరపడరాదు
యీయెడ నీయాలనై యింటనే వుందానను
చ. 1:
సారె నేనవ్విన నవ్వు చలువో వేఁడో
ఆరీతి నీమతిఁ గలట్టానఁ లేవయ్యా
నీరుకొద్ది తామరనై నీతోఁ బొందుసేసేను
పేరబెట్టితేవలపు పిండంతేనిప్పటి
చ. 2:
పలికేటి నామాట పలచనో చిక్కనో
అలరి నీకుఁ దోచినట్టానతీవయ్యా
బలిమికొది పంతానఁ బట్టి నిన్నుఁ బెనఁగేను
వలచినవలపులు వచ్చినంతేలాభము
చ. 3:
కూడినట్టి నాకూటమి కొసరో పిసరో
ఆడినంతా నియ్యకొనే నానతీవయ్యా
వేడుక శ్రీవెంకటేశ వెన్నకొద్దేనెయ్యీ
తోడరాఁగా వలపులు తరినంతేవాకిలి
