ఈ పుట అచ్చుదిద్దబడ్డది
రేకు: 0233-5 సామంతం సంపుటం: 08-197
పల్లవి:
ఆసతి మరఁగువాఁడ వన్నిటా నీవు
మోసపోక నీవాపె ముదులదేరాదా
చ. 1:
చేపట్టేవు నీకు నేఁ జెప్పినట్టు సేసేఁగాని
ఆపె నడిగి రారాదా ఆమాటే
దూపిలేవు నీచేఁతకుఁ దొరలకుందాననంటా
చాపలాన నీవాపెను సమ్మతింపించరాదా
చ. 2:
పైకొనేవు నీకు నేఁ బనులుసేసేఁగాని
ఆకాంతఁ దోడితేరాదా అప్పణగాను
కాకరివై దూరేవు గక్కన విడెమీనంటా
పోకులఁబోక నీవాపెఁ బూఁటవెట్టరాదా
చ. 3:
పూవులవేసేవు నీకు పొందైవుండేఁగాని
ఆవనితఁ గూడరాదా అప్పుడే ముందే
శ్రీ వెంకటేశ నన్నుఁ జెందితివి ఆలనంటా
కావించే(చా?) పెకుఁ జెల్లెలిఁగా నన్నుఁ జేయరాదా
