ఈ పుట అచ్చుదిద్దబడ్డది
రేకు: 0233-6 గౌళ సంపుటం: 08-198
పల్లవి:
ఎవ్వరికిఁ గలదయ్య యిటువంటి నేరుపు
దవ్వులనుండఁగా నీవు తావులిచ్చేవు
చ. 1:
వెలఁదు లెవ్వరిఁగన్నా వింతలేదుగాన నీకు
సులభాననే దొరకుఁ జుట్టరికము
మలసి చల్లలమ్ముక మందనుండిరాఁగానే
కలపుకోలుఁదనానఁ గాఁగిలించేవు
చ. 2:
అంగనలఁ గంటే వావులట్టే నీకు దొరకుఁగా
చెంగటనే చెట్టడువఁ జేటఁడేసి
ముంగిటనే పాలుగాఁచి మూలఁ దోడంటువెట్టఁగా
సంగతిగా నప్పుడే మంచమువంచేవు
చ. 3:
పొరుగు సతులుండితే పొరచి వేడకలౌఁగా
దొరకొలుదాసికిఁ బొందులు దాఁతే
యిరవై శ్రీవెంకటేశ యిటు నన్నుఁ గూడితివి
తెరవేసి వలపుల తీపుచల్లేవు