ఈ పుట అచ్చుదిద్దబడ్డది
రేకు: 0232-4 సౌరాష్ట్రం సంపుటం: 08-190
పల్లవి:
నామర్మమిట్టిది యిఁక నీమర్మమానతీరా
యీమేరఁజూచినవారి కెంతబంటోయిఁకను
చ. 1:
మక్కువ నీతో నేను మాటలాడినంతలోనే
పుక్కిటిబంటె (టా?) యరా పూఁచి వలపు
చెక్కుల చెమటలెల్లా చెరువుల వానలాయ
యిక్కడ నన్నుఁ జూచి నీకెంతబంటో యిఁకను
చ. 2:
కన్నుల నీరూపుచూచి కరఁగి గుండెలుమోఁచి
చన్నులబంటె(టా)యరా సరివలపు
వున్నతిఁ మోవితేనియ లువ్విళ్లూరఁగఁ జొచ్చె
యిన్నిటా నా జోడైతి వెంతబంటోయిఁకను
చ. 3:
కలసి నీవద్ద నేను గట్టిపీఁటపై గూచుండి
మొలబంటియాయరా యిమ్ములవలపు
కులికి శ్రీవెంకటేశ కూడితివి వయోమద
మెలిమి మడుగులుబ్బె నెంతబంటోయిఁకను
