ఈ పుట అచ్చుదిద్దబడ్డది
రేకు: 0203-6 సామంతం సంపుటం: 08-018
పల్లవి:
కక్కసించఁ బనిలేదు కడనున్నవారికెల్లా
చక్కని నీవలపులే సాదింతువెపుడు
చ. 1:
చనువుగలవారిది చక్కనిమాట
వినవలసితే నీవు వింటివప్పుడే
మనసువచ్చినవారి మనవులెల్లా
కనుసన్నలోననే కైకొందువపుడే
చ. 2:
చెల్లుబడిగలవారు చేసినచేఁత
చెల్లఁ బెట్ట వలసితేఁ జెల్లింతువు
వుల్లమువచ్చినవారి వూడిగాలెల్లా
మెల్లనే యేపాటైనా మెత్తువు నీవు
చ. 3:
అంది పొందినట్టివారి యాసలెల్లా
యెందునున్నానొనగూర్చి యీడేర్తువు
కందువ శ్రీవేంకటేశ కలసితివి
ముందె నన్ను మెచ్చితివి ముచ్చటతోనపుడు