ఈ పుట అచ్చుదిద్దబడ్డది
రేకు: 0230-3 కాంబోది సంపుటం: 08-177
పల్లవి:
ఎట్టుసేసినాఁ జేయుమిక నాతఁడల్లవాడే
పట్టరాని వ్రతములో పానువుపైనే
చ. 1:
కప్పురపుమోవి నీవు కాంతునికిఁ జూపఁగాను
దప్పిదేరీ నాతఁడదే దవ్వులనుండే
చెప్పరానిచేఁతలు చేరి నీవు సేయఁగాను
చిప్పిలీ నీరతులను చిత్తములోనే
చ. 2:
చన్నులఁ బయ్యద నీవు జారఁదోయఁగా నతఁడు
కన్నుల పండుగసేసీఁ గడనుండే
వెన్నెలనవ్వులు నీవు వెదచల్లఁగాఁ జూచి
మిన్నక మోముననెల్లా మించీని కళలు
చ. 3:
చివ్వన దగ్గరి నీవు శ్రీ వేంకటేశుఁ గూడఁగా
జవ్వనాన ఫలమంది సరుసనుండె
రవ్వగా సరసము నీరపముగా నాడఁగాను
బువ్వపువిందులు చేత భోగించే నిపుడు