ఈ పుట అచ్చుదిద్దబడ్డది
రేకు: 0229-4 వరాళి సంపుటం: 08-172
పల్లవి:
కక్కూరితితనమేల కడదాఁకాను
అక్కరతో నింత నిజమాడి బదుకరాదా
చ. 1:
శిరసుపై తలఁబాలు చెలిచేతితోనున్నవి
యెరవుగ నాతో నీవు యేలబొంకేవు
నిరతినిందుకుఁ గాను నీతోనేల అలిగేను
అరుదుగ నీవు నిజమాడి బదుకరాదా
చ. 2:
నిన్నునొత్తిన చన్నులు నెలఁతరొమ్ముననవే
యిన్నిటా నీవు నాతోనేల బొంకేవు
సన్నల నిన్నుఁదిట్టుచు సాదించేనా నేనేమి
అన్నిటాను యిట్టే నిజమాడి బదుకరాదా
చ. 3:
నీయధరముపై తేనె నెలఁతపుక్కిలి నిండె
యీయెడనెవ్వరున్నారు యేల బొంకేవు
చేయిచ్చి యలమేల్మంగ శ్రీవేంకటేశుఁడ కూడే
వాయింతినే నేను నిజమాడి బదుకరాదా
