ఈ పుట అచ్చుదిద్దబడ్డది
రేకు: 0229-5 శుద్దదేశి సంపుటం: 08-173
పల్లవి:
ఎప్పుడూను నీవోజలిటువంటివి
తప్పక ఆసతి నీకుఁ దక్కువా యేమైనాను
చ. 1:
పడఁతి లోలోసిగ్గు పచ్చినవ్వే మోళ్ళుఁగాక
అడిగితేఁ జెప్పునా అదియేఁటిది
కడలేని మగవాని కాతరము జాడిట్టిదే
గడుసుఁ దనాననింతఁ గాకుసేయఁ జూచును
చ. 2:
చెలియతమకమెల్లా చెమటలై కారుఁగాక
వెలిఁబెట్టవచ్చునా వేఁడుకొనేవు
మలసేటి జాణని మతకములిట్టివే
చలివాపి సతులనాలురేఁచఁ జూచును
చ. 3:
అంగనరతులచొక్కు ఆతుమలో నుండుఁగాక
సంగడించితేనంటునా సారె నీకును
యింగితాన శ్రీవేంకటేశ నీకూటమిగల్గె
రంగుగ నీబోఁటిమేలు రచ్చఁబెట్పఁ జూచును