ఈ పుట అచ్చుదిద్దబడ్డది
రేకు: 0229-3 వరాళి సంపుటం: 08-171
పల్లవి:
శిరసుండ మోకాలికి సేసలు చల్లిన యట్లు
మురిపేన చెలికత్తె మొగమేమి చూచేవే
చ. 1:
చెంతలఁ బిలువఁగాను చెలి వూరకుందానవు
పంతము దప్పిన యట్టే పలుకఁగాను
వంతుతో నీ రమణుఁడు వద్ద నిట్టే వుండఁగాను
మంతనానఁ జెలులచే మాటలాడించేవే
చ. 2:
కొనగోరఁ జెనకఁగాను గుట్టుసేకొనేవీడ
ననుపున నాఁటినట్టే నవ్వఁగాను
యెనసి యాతఁడు నీయెదటనే వుండగాఁను
చనవిచ్చి చెలులను సాకిరి గోరేవే
చ. 3:
వున్నతిఁ గాఁగిలించితే నొంటినే సిగ్గువడేవు
చన్నులు గుంగినట్టే సరినొత్తఁగా
అన్నిటా శ్రీ వేంకటేశుఁడాదరించి నిన్నుఁగూడె
చెన్నుఁడంటానితనిఁ జెలితో మెచ్చేవే