ఈ పుట అచ్చుదిద్దబడ్డది
రేకు: 0225-3 ఆహిరి సంపుటం: 08-147
పల్లవి:
నే నేరుపవలెనా నెలఁతకు నివియల్లా
సానఁ బట్టుకో నేరదా సకియ నీమనసు
చ. 1:
నవ్వులనే నీవింత నాలిసేసేవాఁడవౌత
యెవ్వరు నెఱఁగరా యెమ్మెలేఁటికి
నివ్వటిల్లఁ గైలాటాలు నేఁ బెట్టితిననేవింత
జవ్వని యాపెఱఁగదా చల్లని నీగుణము
చ. 2:
జంకెననే నీవప్పటి సందుకొనేవాఁడవౌత
పొంకాన వచ్చేదేకాదా పొద్దువొద్దుకు
సంకెదీర నిన్నాపెతో జగడాలు వెట్టితినా
అంకెల నాపెఱఁగదా అచ్చప నీసాజము
చ. 3:
కందువనింతులఁ జూచి కలసేటి వాఁడవౌత
చందమయ్యేకాదా (?) సారె సారెకు
పొందితి శ్రీవెంకటేశ పొరుగున మమ్మిద్దరి
ముందర నాపెఱఁగదా ముచ్చట నీవలపు