ఈ పుట అచ్చుదిద్దబడ్డది
రేకు: 0220-5 నాదరామక్రియ సంపుటం: 08-119
పల్లవి:
ఆతని భ్రమయించే (చవే?) వే అండనున్నాఁడు
యేతులునెమ్మెలుఁ జూపేవిప్పుడే మాతోనా
చ. 1:
చన్నులు ఘనములైతే సాధించవే రమణుని
కన్నులు ఘనములైతే కాఁడి పారఁ జూడవే
యెన్న నీసింగారాలు యెవ్వరికిఁ జూపేవు
పన్నిన సవతినింతే పగటు మాతోనా
చ. 2:
వలపు చిత్తాననుంటే వంచుకోవే నీవిభుఁని
పలుకుల నేర్పులుంటేఁ బచరించవే
సొలపుల నీనటన చూచేవారిందెవ్వరే
చెలిమికత్తెలమింతే చేఁతలు మాతోనా
చ. 3:
సిగ్గులు సెలవినుంటే శ్రీవేంకటేశు ముంచవే
నిగ్గులు చెక్కులనుంటే నీటు చూపవే
యెగ్గులేక ఆతఁడే యిద్దరినేలెను నేఁడు
వెగ్గళించి మురిసేటి వింతలు మాతోనా