ఈ పుట అచ్చుదిద్దబడ్డది
రేకు: 0219-4 నారణి సంపుటం: 08-112
పల్లవి:
ఏలగడించుకొనేవు యెక్కడాలేనిసుద్దులు
తాలిమిఁ బానుపుచేరి తమకించరాదా
చ. 1:
జంకెనచూపులచేత చలివాపెఁ గాకయింతి
కొంకుఁగొసరుల నిన్నుఁగోపగించునా
వంకల చంద్రుల నించి వాఁడివెట్టెఁగాకనీకు
కంకిగా రతులలో ఘాతసేసునా
చ. 2:
నిట్టూర్పు గాలిచేత నిన్ను సేదదేర్చెఁగాక
జట్టిగొని వుంకించి కొసరవచ్చునా
బట్టబయలు మాటలపందిలిగాఁ బెట్టెగాక
నెట్టుకొన్న తిట్లతో నేరమెంచునా
చ. 3:
చిగురుఁజేతులచేత జిగిఁగాఁగిలించెఁగాక
వొగరుఁబంతాల నిన్ను వొరయించునా
అగపడి శ్రీవేంకటాధిప కూడితివిట్టే
మొగమోడెఁగాక నీకుమోవిగంటిసేసునా