పుట:కాశీఖండము.pdf/471

సప్తమాశ్వాసము

459

గీ.⁠

వాజపేయసహస్రప్రవర్తనమున గలఫలం బబ్బు నైవేద్యకల్పనమున నిన్నియును జిత్తగించి విశ్వేశు నభవుఁ గాశికాధీశు భజియింపు కలశజన్మ!

⁠ 124

క.⁠

గొడుగులు వింజామరములుఁ బడగలునుం దాలవృంతపటవాసకముల్ మృడుని కొసంగినధన్యుఁడు పుడమిని జితైకాతపత్రముగఁ బాలించున్.

⁠ 125

వ.⁠

మఱి యాస్తిక్యబుద్ధి, వినయంబు, మానావమానంబుల వికృతిలేమి, యకామిత్వం, బనౌద్ధత్యం, బహిపరత్వం, బప్రతిగ్రహవృత్తి, యదాంభికత్వం, బలుబ్ధత, యనాలస్యం, బపారుష్యం, బదీనత, యాదిగాఁ గలగణంబులు కాశీతీర్థవాసి కవశ్యంబును సంభావనీయంబులు.

⁠ 126

తే.⁠

కలశసంభవ! ‘వ్యాసుండు కాశిమీఁద నేల గోపించెఁ జెప్పు’మం చీ వడిగితి బాదరాయణకోపప్రపంచమునకుఁ గారణము చెప్పెదను విను గౌరవమున.

⁠ 127

వ్యాసుండు కాశిమీఁదఁ గోపించుట

సీ.⁠

త్రిషవణస్నానంబు దీర్చు భాగీరథి         శివధర్మములు చెప్పు శిష్యతతికి నుదరపోషణము సేయును మాధుకరవృత్తి         లింగార్చనంబుఁ గల్పించు నియతి ముక్తిమంటపమధ్యమునఁ బురాణము చెప్పుఁ         బంచాక్షరంబు జపంబు సేయు

⁠