20
శ్రీ రా మా య ణ ము
--: లంక లో రావణాసురుఁడు హనుమంతుఁడు చేసినపనినిఁ గూర్చి ప్రస్తాపించుట :-
అపుడు లంకాపురి - నాదశాసనుఁడు
కుపితాత్ముఁడై తన - కొలువులో నున్న
యతిశౌర్య నిధుల ప్ర - హస్తాదులైన
హితమంత్రులను జూచి - యిట్లని పలికె
"హనుమంతుఁ డొక్కఁడీ - యంబుధి దాఁటి
యనిమిషేంద్రుఁడు చూడ - నలవి కానట్టి
తనదు లంకారాజ - ధానిలోఁ జొచ్చి
జనకజతోడ ము - చ్చట మాటలాడి 440
యూరకే చనక నా - యుద్యాన కనక
భూరుహావళి సర్వ - మును నేలఁ గూల్చి
వలదని వారింప - వనపాలకులను
బొలియించి ప్రాసాద - ము దుమారు చేసి
మంత్రిసూనులఁ బట్టి - మహిఁ బడఁ గొట్టి
మంత్రుల నేవురి - మర్దించి మించి
యక్షకుమారకు - నాలంబులో ని
రీక్షించి దానవ - శ్రేణి నడంచి
తోఁకఁ గాలిచి వెళ్లఁ - ద్రోలుఁడటన్న
కాఁక మై కొనక లం - కాపురం బెల్ల 450
గాలిచిపోయె రా - ఘవు దూతననియు
నేలిక సుగ్రీవుఁ - డిటు పంపెననియుఁ
జేరి చిల్విషమును - జేయుచుఁగోఁతి
యూ రెల్ల గాలిచి - యూర కే చనియె
నాలోచనంబు సే - యక కాదు బుద్ది
