481
యుద్ధకాండము
రాజసవృత్తిచే - రాణివాసముల
నీజాడ నడిపింతు - రింతియెకాక
యీలువుఁ గల్గిన - నెట్లున్న నేమి ?
యేల యన్యంబు లూ - హింప నెవ్వరికి ?
గోటలు గోడలు - కోణెవాకిళ్లు
చాటులు పెద్దలె - చ్చరికల్ నగళ్లు
కంచుకుల్ గొల్ల లె - గ్గళ్లు నడ్డములె
చంచలాక్షుల మనో - జవనాశ్వములకు ?
బాహిరమ్ముల నేమి - ఫల మివియేల
గేహినులకు ? వివే - కింపరు గాక 10970
కొమ్మకుఁ బెట్టని కోట - యీలువయె
సుమ్ము మానంబె కా - చును సతీమణుల
నావరణములు వ్య - ర్థంబులు సిగ్గు
కేవలమైన యం - కిలి కులాంగనకుఁ
గావున నందఱుఁ - గనుచుండ సీత
నీవు దో తెమ్మ ” న్న - నేమియుననక
పల్లకి డించి యా - పరమ కల్యాణి
నల్లన సముఖంబు - నందుఁ జేర్చుటయు
నావిభీషణు వెంట - నవనిజ రాఁగ
భావించు శ్రీరాము - భావంబుఁ జూచి 10980
యంగదసుగ్రీవ - హనుమన్నలాదు
లింగితజ్ఞులుగాన - నేమియు ననక
సౌమిత్రిఁ జూడ ల - క్ష్మణుఁడాత్మలోన
రాముని హృదయమా - రసి యూరకున్న
నాసీత “యార్యపు - త్రా ! "యంచు మిగుల
