288
శ్రీ రా మా య ణ ము
కుంభకర్ణుఁ డదల్చి - గుప్పించి తిగిచి
కుంభినిఁ బడవైవ - గుదికాల దాని
మట్టెదనను వేళ - మర్కటస్వామి
మిట్టి యట్టిటువడి - మింటికి నెగసి
యెదురు చూచుచునున్న - యెల్లవానరులు
నదెవచ్చె సుగ్రీవుఁ - డని యార్భటింప
రాముని చరణసా - రసముల వ్రాలి
చేమోడ్చి సౌమిత్రి - చెంత నున్నంత.
కుంభకర్ణుండు సి - గ్గును రోష మొదువఁ
గుంభిని యద్రువఁ గ్ర - క్కునఁ బురి వెడలి 6510
చెవులు ముక్కునుఁ బోయి - జేగురుఁగొండ
హవణికఁ దోప భ - యంకరాకృతిని
రాఁజూచి కపులెల్ల - రామునిఁ జేరఁ
గాఁజూచి సౌమిత్రి - కార్ముకంబంది
యేడుదూపులు నౌఁట - నేసి యవ్వెనుక
మూఁడు బాణము లుర - మ్మునఁ బాదుకొల్ప
నవి సడ్డ సేయక - యమర నాయకుఁడు
చవుకగా నెంచి ల - క్ష్మణున కిట్లనియె.
"ననుఁజూచి నీవు ప్రా - ణములతో నిలిచి
యనిసేయఁ బూనిన - యపుడె మెచ్చితిని 6520
బాలకుండవు వింట - బాణంబు దొడుగఁ
జాలవు నీవేయు - శరములు నన్ను
నాఁటునె దేవదా - నవ యక్షఖచర
కోటి నాయెదుర మా - ర్కొని నిల్వలేదు
నిను జంపఁ జేయాడు - నే నాకుఁ గాన
