70
శ్రీ రా మా య ణ ము
నామాట నడిపింప - నాకిందువలన
నీమైఁ బ్రతిష్ఠరా - నెంచంగ లేదు. 1590
ఎఱిఁగి యుండిన యర్థ - మే విన్నవింపఁ
బరఁగుట మదినెంచి - పలికెద నిపుడు
తొలుత నొక్కరి గుణ - దోషముల్ దెలియ
వలయునంచును బల్కె - వాలినందనుఁడు
అది సరిపోదు నా - కన్యులఁ దెచ్చి
యిదిపనిగా నుంచు - నెడగానివాని
గుణదోషములు నెఱుఁ - గుట యెట్లు తెలిసి ?
గుణము గల్గినగాక - కొఱగాని వాని
నొకట నియోగించి - యుంచుట యెట్లు?
తెకదేరగాని చిం - తింప నీమతము 1600
కాదట్టులుండి నం - గదుమాట శరభుఁ
డాదెసకై చారు - నంపించి యతని
మననుఁ గన్గొని కాని - మదినమ్మఁ జెల్ల
దనియే గదా ? మన - మడిగించి నపుడె
వంచింప వచ్చిన - వాఁడనై కాక
మంచివాఁడైన తా - మననేల నిచ్చు !
తనదు కార్యమునకుఁ - దగినట్టి మాట
లని వారిఁ బొమ్మను - నదియునుం గాక
కారుణ్యనిధి సమ్ము - ఖంబున రాయ
భారముల్ గలవెయీ - పక్షంబు చేత ? 1610
తగదట్టి శరభమ - తంబు తాఁబెద్ద
యగు జాంబవంతుడా - యన మాటగాఁగ
నెక్కడనుండి వీఁ - డెక్కడవచ్చె
