69
యు ద్ధ కాం డ ము
యతని యాగతి మన - మడిగింప నొక్క
వితమున నుండునో - వేఱువేఱగునొ ? 1570
చెప్పిన చారుల - చేఁ గని కాని
యిప్పుడే వీని రా - నీయ రాదిటకుఁ
గన్న కార్యము సము - ఖంబున నేను
విన్నవించితి” నన్న - వినికేలుమొగిచి
-: ఆంజనేయుఁడు శ్రీరామచంద్రునికి సరియగు తన యభిప్రాయము
నెఱింగించి విభీషణునిచేకొనుమని చెప్పుట :-
యాలోచనపరుఁడు - నతిశయ బుద్ది
శాలియు సకలార్థ - సాధకుండైన
యంజనాసుతుఁడు కా - ర్యాకార్యవేది
యంజకుఁజేరి తా - నప్పుడిట్లనియె
"దేవ ! యందఱిమాట - ధిక్కృతి చేసి
యేవిన్నపము సేయ - నెంచుట గాదు 1580
మావారిలో బుద్ధి - మంతుండ ననుచు
నేవారి మాటల - కేదురాడ లేదు
పక్షాంతరంబుగాఁ - బరుల కార్యంబు
పక్షీకరించి యేఁ - బలుకుట గాదు
అన్యులవలన కా - ర్యాపేక్షఁ జేసి
యన్యాపదేశంబు - లాడంగ లేదు
ఉరకుండ రాదని - యొకమాటవంతు
కొఱకు నాడఁగ నెన్ను - కొని పల్క లేదు
