14వ అధ్యాయము.
ఈశ్వరార్పణము.
320. వఱపిడిరాతిమీద గీయుటచేత బంగారమును యిత్తడిని కనుగొనుటకు వీలగురీతిని దూషణతిరస్కారములను వఱపిడిరాతితో పరీక్షించుటచేత సత్యమగుసాధువులెవరో మోసపుసాధువులెవరో తెలియవచ్చును.
321. ఈప్రపంచములోనికి వచ్చినందులకు నీవేమిచేయవలయునో తెలియునా? సర్వమును ఈశ్వరార్పణముచేయుము. ఈశ్వరునిగూర్చి స్వార్పణము చేసికొనుము. ఇక నీ కేలాటి బాధయునుండదు. సమస్తమును వానియిచ్చననుసరించి జరుగుచుండునని నీకు అప్పుడు తెలిసిపోవును.
322. పొలములో ఆరుబయటనున్న చిన్నగుంటయందలి నీరు, యెవరు వాడుకొని హరించకున్నను త్వరలోనె యెండిపోవును. అటులనే ఈశ్వరునిగూర్చి సర్వార్పణముకావించుకొని వానికరుణను కృపను ఆనన్యగతికముగా నమ్ముకొనుట చేతనే పాపములు హరించును.
323. పూర్ణార్పణమును మించినసులభమును, సురక్షితమును అగుమార్గములేదు. పూర్ణార్పణము అనగా ఈశ్వరేచ్ఛకు తానుపూర్ణముగ లోబడిపోయి, ఏదిగాని నాదిఅను భావములేకుండ మెలగుటే.
324. సర్వార్పణమునకు లక్షణమేమి?
