పుట:Shodashakumaara-charitramu.pdf/55

44

షోడశకుమారచరిత్రము

వ.⁠

ఇట్లుండ నంత నొక్కనాఁడు దనకూఁతును వేడికొని యది యిట్లనియె.

⁠ 164

క.⁠

ఓకాంత నిన్ను వేఁడెద నాకమునకు బొందెతోన నను నంపఁగదే నీకాంతుఁడు శ్రీకాంతుని నేకాంతమునందు వేఁడి యేక్రియ నైనన్.

⁠ 165

గీ.⁠

అనుచుఁ బ్రార్థించుటయుఁ దన యమ్మమాట నాకుఁ జెప్పిన నే నెమ్మనమున నగుచు నమ్మకరదంష్ట్రఁ గాకు సేయంగఁ దలఁచి దానిఁ బిలిచి యే నిట్లంటి మానవేంద్ర.

⁠ 166

సీ.⁠

ఎల్లి యేకాదశి నెంతయు నిష్ఠను         స్నానదానంబు లొనర్చి నీవు పెడతలం జెంపల నడునెత్తి ముందట         నైదుకూఁక ట్లుండునట్లు గాఁగఁ దల బోడ గావించి తనువులో సామున         సిందూరము నలంది చేత నొక్క యడిదంబుఁ బూని దిగంబరవై రాత్రి         నిచ్చెనఁ దెప్పించి నెమ్మితోడ నాదుగుడిపొంతఁ జాల నున్నతిఁ దనర్చు తోరణస్తంభ మెక్కి యెవ్వారు నెఱుఁగ కుండ నిచ్చెన దప్పించి యుండు మువిద యట్టు లైనను నేగెద వమరపురికి.

⁠ 167

వ.⁠

అనుచుం జెప్పినయప్పలుకులు నిజంబుగా మనంబున నిశ్చయించి మఱునాఁడు మద్వచనప్రకారంబున నన్నియుం జేసి

⁠