పుట:Shodashakumaara-charitramu.pdf/160

అష్టమాశ్వాసము

149

క.⁠

ఈపొలఁతికిఁ గమలాకర రూపముఁ దద్విద్యపేర్మి రూ పెసలారం జూపుడును దాన మన్మథ తాపంబు శమించుఁ దెలివి దలకొను ననినన్.

⁠ 30

క.⁠

ఆచెలువుని చిత్రాకృతి చూచినయట్లైన రూపుచూచిన మరుచే నేచంద మగునొ మాన్ప న గోచర మున్మాదవృత్తి గూరినయేనిన్.

⁠ 31

క.⁠

అనునంతటఁ గమలాకరుఁ డనుభూపతి వాహినీచయంబులతోఁ బెం పెనయఁగ వేత్రవతీవా హినిదరి విడిసె నని పౌరు లెల్లన్ బెదరన్.

⁠ 32

క.⁠

నీ వరుగుదెంచి తని హం సావళి దెలివొందుటయును నానందలస ద్భావమున నంతిపురమున నావెలఁదిని గొనుచు బోటు లరిగెడు నంతన్.

⁠ 33

గీ.⁠

అడుగఁ బుత్తెంచుటయుఁ గమలాకరునకుఁ బుత్రి నీ నిశ్చయము చేసె భూమిపాలుఁ డనుచుఁ బరిచారికలు చెప్పికొనఁ గడంగ సతికి విధికృతి నాత్మసంశయము పుట్టె.

⁠ 34

క.⁠

ఆకీరము చెప్పిన కమ లాకరుఁడో యిన్నరేంద్రుఁ డన్యుఁడొ యని చిం తాకులతఁ గమలమంజరి నీకడకుం బనుప మరుఁడు నికృతి యొనర్చెన్.

⁠ 35