షష్ఠాంకము.
99
నాయధికారధర్మమునుగాదు. నాతీర్మానమును విన్నవించు చున్నాను. ఆలకింపుము
"హిందూదేశశిక్షాస్మృతి ననుసరించి - గిరికుమారియింట జరిగిన హత్యలను రెంటిని నీవే యొనరించినట్లు స్వయముగా సమ్మతించుచున్నావు. కావున, వేఱు సాక్ష్యములతో నిమిత్తము లేకుండ యిందుమూలముగానీకు ఉరిశిక్షను విధించుచున్నాను.”
అన్న - మహాప్రసాదము-
జడ్జి – (పీఠమునుండి లేచును.)
( తెరవ్రాలును.)
రంగము-5.
స్థలము:— వధ్యశిలగల బయలు.
[ప్రవేశము — వధ్యశిలపై అన్నపూర్ణ - ప్రక్కన ఖడ్గహస్తుఁడగు కటికవాడు, పీఠముకడ జైలుసూపరింటెండెంటు.]
(గంట మ్రోగును.)
జైలు - అమ్మా అన్నపూర్ణా ! ఐదునిమిషములు దైవప్రార్థనముచేసి కొనుటకు నీ కధికారముగలదు - శీఘ్రముగ కానిమ్ము.
అన్న - (కన్నులుమూసి) జగదీశ్వరా !
సీ. జీవితేశునకయి జీవప్రదానంబు
గావింపగా మది గాంక్షఁజేసి,
విభుఁడొనరించిన విద్రోహములనెల్ల
చలనంబులేక నౌదల ధరించి,
హంతకినని పల్కి యధికారవర్గంబు
నదలించి యురికంబమందుఁ జేరి,
