ఈ పుట అచ్చుదిద్దబడ్డది
ఊరి_____ఊరి 235 ఊరి____ఊరు
- "మాటిమాటికి వేలు మడిచి యూరించుచు, నూరుగాయల దినుచుండు నొక్కడు."భాగ. దశ. పూ. 496.
- 2. ఆకర్షించు. నా. మా. 73.
- "ఆఅబ్బాయి నలా ఊరించడం తప్పితే అది దగ్గర చేరనిచ్చినపాపాన పోలేదు." వా.
ఊరికి ఊరు
- ఊరంతా.
- "ఇటీవల వరద వచ్చి ఊరికి ఊరు కొట్టుకు పోయింది." వా.
- ఇలాగే 'ఊరు' బదులు గ్రామం ఇత్యాదులతో కూడ ఈ పలుకుబడిని ఉపయోగిస్తారు.
- "గ్రామానికి గ్రామం దేశానికి దేశం అల్లాడి పోతుంది." వా.
ఊరికి పోవు
- చూ. ఊరు పోవు.
ఊరిదారి పట్టు
- వెనుదిరుగు.
- "తత్తరమ్మున నూరిదారి పట్టె." శేవ. 2. 65.
ఊరిమీద పడు
- పని లేక ఊరంతా తిరుగు.
- ఇంట్లో దండించేదిక్కు లేక వాడు ఊరిమీద పడ్డాడు." వా.
ఊరిలో ఇల్లు లేదు అడివిలో చేను లేదు
- ఏమీ లే దనుట.
- "వాడికి పిల్ల నిస్తా నంటా వేమిరా? బుద్ధి ఉందా లేదా? వానికి చూడబోతే ఊళ్లో ఇల్లూ లేదు, అడివిలో చేనూ లేదు. వాణ్ణి కట్టుకొని మన పిల్ల ఏం సుఖపడుతుంది?" వా.
ఊరివారల తలనొప్పి
- ఊరివారికి బాధ కలుగజేయునట్టి.
- "వాడకు బగ యూరివారల తల నొప్పి." శుక. 3. 20.
ఊరు కాచి తిరుగువారు
- గ్రామరక్షకులు, తలవరులు.
- "కత్తివాతులతో నూరుగాచి తిరిగి, యాడుమురుపా ళెముల గాంచె." ఉ. హరి. 1. 140.
ఊరుగాయ
- నిలవ ఉంచుకొనుటకై ఉప్పు, నూనె మొదలయినవాటితో పెట్టిన మామిడికాయ, నిమ్మకాయ మొదలగు ఊరగాయ.
ఊరు చక్కబెట్టు
- స్వేచ్ఛగా ఊరంతా తిరుగు. వ్యభిచరించు అని సూచన.
- "మొగుడు ఊరు వెళ్లేసరికి ఆవిడ ఊరు చక్క బెట్టి వస్తుంది." వా.
ఊరుపిండి
- పచ్చడి. రాయలసీమలో పచ్చడిని ఊరుపిండి అనే అంటారు.
- రూ. ఊరుబిండి.
ఊరు పేరు తెలియు
- వివరము తెలియు.
- "వేగమే, యూరును బేరునుం దెలిసి యొద్దిక సేయుద మెల్లకార్యముల్." ఉషా. 1. 49.