ఈ పుట అచ్చుదిద్దబడ్డది
ఉద్యా_____ఉద్వా 211 ఉద్వా_ఉన్న
- "వాడు చేసిన ఉద్ధారింపు ఏ ముంది." వా.
- చూ. ఉద్ధరించాడు.
ఉద్యాపన సేయు
- విసర్జించు. వ్రతాదులలో ఉద్యాపనపై వచ్చిన పలుకుబడి. వ్రతం ముగిశాక ఉద్యాపనం.
- "విప్రమార్గ ముద్యా,పన సేతురె నిన్ను వంటి బ్రాహ్మణకులజుల్." నిరంకు. 2. 130.
ఉద్యోగరాఘవుడు
- కార్యప్రవణుడు.
- "ఉద్యోగరాఘపుం డని, పద్యంబుల నూక గేరి పంచల జదువన్, విద్యాధికులకు వల్లము, చోద్యంబుగ విడిచి లంజ చూడగ నిచ్చున్." బహులా. 5. 83. పు.
ఉద్వాసన అగు
- స్థానభ్రంశ మగు.
- "వాడు ఆ ఊళ్ళోనూ దురుసుగా ప్రవర్తించా డట. అక్కడా ఉద్వాసన అయిం దని విన్నాను." వా.
- "వానికి ఆఫీసునుంచి ఉద్వాసన అయింది." వా.
- చూ. ఉద్వాసన చెప్పు.
ఉద్వాసన చెప్పు
- తొలగించు, స్థానభ్రష్ట మొనరించు. పూజాపునస్కారాలలో కలశాదులను ప్రతిష్ఠించుట, ఆపని తీరిన వెనుక ఉద్వాసనచేసి వాని నటనుంచి తొలగించుట ఆచారం. ఆ తొలగించుటనే ఉద్వాసనం అంటారు. అందుపై వచ్చినపలుకుబడి.
- "వీడి సంగతి నలుగురికి తెలిసేసరికి ఆ ఊరినుంచి ఉద్వాసన చెప్పారు." వా.
- చూ. ఉద్వాసన అగు.
ఉద్వాసన చేయు
- చూ. ఉద్వాసన చెప్పు.
ఉనికిపట్టు
- స్థానము.
- "విజయంబునకు నీత డునికిపట్టు." ఉ. రా. 5. 140; సుదం. 3. 194,
- చూ. ఉన్కిపట్టు.
ఉన్కిపట్టు
- నెలవు.
- పాండు. 1. 193.
- చూ. ఉనికిపట్టు.
ఉన్నట్టుండి
- హఠాత్తుగా.
- "వాడు ఉన్నట్టుండి అక్కడికి వచ్చాడు." వా.
- "ఉన్నట్టుండి వానికి జబ్బు చేసింది." వా.
ఉన్నది పుష్ఠి
- కలిమి మాత్రమే బలము.
- "ఉన్నది పుష్టు మానవుల కోయదుభూషణ యాలజాతికిన్, దిన్నది పుష్టి..." పాండవో. 8.
ఉన్న దున్నట్టుగా
- యథాతథముగా.
- "వచియించెద మున్నది యున్న రీతిగా." నానా. 18.